Article associacion occitana de fotbol

 	Composicion de l’equipa d’Occitània
Mercé als suportaires
Seleccions  

Occitània vs Monegue: es partit per una quatrena confrontacion! 

Apès aver jogat en Lengadòc, en Gasconha e en Provença, lèu lèu l’Equipa d’Occitània jogarà dins las valadas occitanas d’Itàlia. Lo 8 de novembre que ven, la Seleccion d’Occitània de fotbòl va rescontrar son melhor adversari : Monegue. Lo rescontre es previst dins l’encastre de la Fèsta de Lo Dalfin, a l’estadi comunal de Caralh (Caraglio), dins la Val Grana, a 3°00 del tantòst.

(BMP)

<

La darrièra confrontacion d’Occitània e de Monegue remonta a 2006 del temps de la primièra edicion de la Viva World Cup (« Copa del Mond » pels territòris non-reconeguts per la FIFA) a Ièras, en Occitània. A l’epòca Monegue s’impausava 3 a 2. Quitament se lo nivèl d’aquelas doas Seleccions es gaireben lo meteis, jamai los de l’Association Occitana de Fotbòl ganhèron pas (0-0 puèi 2-1 en 2005 e 3-2 en 2006).

Dempuèi, la Seleccion es estada tornada bastir. De novèls jogaires se son ajustats. L’encadrament esportiu es estat afortit e l’experiéncia de còla acrescuda. Lo temps es segurament vengut enfin per Occitània de víncer Monegue !

De notar qu’aquela partida se fa en collaboracion amb lo Dalfin que serà tanben present sus l’estadi de Caralh per jogar l’imne occitan, lo Se Canta.

Alara venètz nombroses a Caralh! Venètz sosténer vòstra Còla, la Còla d’Occitània!

Per mai d’entressenhas: 06.88.77.01.57



 

 


tirage au sort du Championnat d’europe de football des minorités ethniques 2012
Match international Occitania - Cilento
Composicion de la delegacion occitana a la Viva World Cup 2010
Occitània en preparacion per la Viva World Cup III
Bona debuta de preparacion
Fuòc verd del NF-Board a l’A.O.F
L’A.O.F apresta una partida contre Monegue
Composicion de la delegacion occitana a l’Europeada

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA