Article associacion occitana de fotbol

 	Composicion de l’equipa d’Occitània
Mercé als suportaires
AOF Qu’es aquò ?  

AG de 2009 

Tolon, lo 04/11/2009

Als sòcis de l’Associacion Occitana de Fotbòl

Cars amics,

L’an de 2009 qu’es a s’acabar plan planet foguèt per l’A.O.F una annada de transicion, marcada per la mesa en rota de la reestructuracion de l’associacion tant al nivèl esportiu que de l’encadrament. De novèlas personas son arribadas portant amb elas totas sas qualitats mas tanben sos desfausses. La dubertura es pas la causa de las mai simplas de capitar. Los primadièrs redobtan que lo projècte perda de sa natura. E los arribants se demandan se son a sa plaça aquí. Las causas son pas aisidas. Subretot per un projècte coma lo nòstre. Lo respièch total dels dos pilars de l’A.O.F que son la promocion de la lenga occitana e la credibilitat esportiva son pas de longa de bon respcetar. Los equilibris son fragiles. Aquò supausa de l’escota, de la disponibilitat, de l’umilitat e de la modestia. Son aqules principis qu’an permes a l’A.O.F de far avans. Calrà contunhar aital. Pas mens, trica traca, soi convinçut que lo bilanç que devèm tirar de l’annada es positiu dels dos costats. L’arribada de personas nòvas a permes de far avançar l’A.O.F tant al nivèl esportiu que de la defensa de la lenga nòstra. Ai lo sentit intim que la màger part dels novèls an fa lor l’A.O.F. Es una execellenta causa. Me’n regaudissi. Aquela evolucion permet de se projèctar dins l’avenidor sens paur. L’avenidor. A l’A.O.F es totjorn pròchi. Pr’amor la situacion particulièra de l’A.O.F e lo NF-Board (fotbòl amator, precaritat financièra, non reconeissença de nòstras Football Association) los projèctes se pòdon pas planificar longtemps a l’avança. Pòt èsser un problema mas non podèm res far contre. Per l’A.O.F, los enjuòcs esportius a venir son al nombre de dos : participar a la prima que ven a la Viva World Cup a Malta e se rendre dins lo Sud d’Itlàlia per jogar las Doas Sicilias a la debuta de 2010. Per èsser franc, e zo sabètz plan, cal de sòus. Amb la crisi financièra que coneissètz las ajudas istoricas seràn pas tan fòrtas coma los còps passats. En mai amb mas novèlas responsabilitats professionalas non dispausi pus de tan de temps coma abans. Soi donc demissionari de mon pòsta de President. Se quaqu’un mai se sentís de prene aquela fonccion, l’Associacion es lèsta, me pensi, a conéisser un cambiament d’aquela talha. Pas mens, non abandonarai la Seleccion. Es un projècte que me ten al còr e non vòli s’arreste. Es per discutir de tot aquò que balhi rendètz-vos a totes los sòcis de l’A.O.F dimècres 11 de novembre a Montblanc a l’ostal de Deidièr Amièl a partir de 9o00 fins a 11o30. Vos pregui de ben voler confirmar vòstra venguda. Amistosament Per l’A.O.F Lo President, Pèire Costa Òrdre



 

 


Nouveau logo de l’A.O.F
Classament Non-FIFA juin 2011
Classament Non-FIFA
Tiratge del viva world cup 2010 MALTA
Reorganizacion de l’A.O.F
Entrevista de Deidièr Amièl, entrenaire/seleccionaire nòu d’Occitània
Reorganizacion de l’A.O.F
AG 2008 de l’A.O.F

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA