Article associacion occitana de fotbol

 	Composicion de l’equipa d’Occitània
Mercé als suportaires
Premsa e vidèas  

COMUNICAT DE PREMSA OCCITANIA - SAPMI 

La SELECCION OCCITANA DE FOTBÒL ganha per 3 a 2 contra SÁPMI (LAPONIA) al cap d’un brave ’suspens’! Lo rescontre comptava pas un campionat e se debanèt lo divendres 30 de març de 2012 sul terren annèxe numèro 1 de l’Estadium de Tolosa. Lo Daniel BRAATEN, famós atacaire norvegian que jòga al TFC, venguèt far lo còp de pè d’entamenada. L’equipa occitana, capdelada pel seleccionaire Deidièr AMIEL, s’ofriguèt una polida victòria e destapèt l’estrambòrd dels 400 suportaires quand marquèt a la tota darrièra minuta de la partida! Aprèp un periodet cortet ont las doas equipas s’observèron mai que mai, lo SÀPMIS, que la màger part d’aqueles jogaires fan en tresena division en Norvègia, se menèron doas contratacas marcantas: a la pausa, marcava mal per Occitània : 0-2. Pendent lo segond miègtemps de la partida, la SELECCION OCCITANA s’es mai dedicada a l’ofensiva, çò que permetèt al Benjamin BASTIER e al Clamenç HELLARD puèi, de tornar a una marca d’egalitat : 2-2. Es aquí que cada equipa mobilizèt sas ultimas fòrças per far la diferéncia e es lo lo Mickael BERTINI, fin finala, que faguèt triomfar la formacion occitana a ras del còp de fiulet d’acabada. Lo President de l’AOF, lo Nicolau DESACHY, reuniguèt las doas delegacions en vesprada per compartir un manja drech sopatòri dins lo membre numèro « 1938 », membre dedicat als jogaires professionals del TFC d’acostumada. Foguèt l’escasença bèla per el de grandmercejar los partenaris que sostenon l’AOF e qu’èran a Tolosa, amb una mencion especiala per l’Institut d’Estudis Occitans (IEO) e la Region Miègjorn-Pirenèus.

Desenant, la SELECCION OCCITANA vira sas pensadas cap al mes de junh ont participarà a doas competicions internacionalas màgers: la VIVA WORLD CUP e l’EUROPEADA. L’endeman de la partida de segur, l’AOF participèt a la granda manifestacion ANEM ÒC PER LA LENGA OCCITANA, ont costejèt 30 000 personas que fasián un brave passa-carrièra per la vila Ròsa. Requinquilhats pel vam de la mani-festacion tolosenca, los jogaires de l’AOF s’anaràn representar amb fiertat las colors d’OCCITÀNIA luènh del país:
-   del 5 al 9 de junh de 2012 a la VIVA WORLD CUP al Curdistan d’Iraq,
-   del 16 al 24 de junh de 2012 a l’EUROPEADA que se debanarà a Saxa (Alemanha). La SELECCION OCCITANA DE FOTBÒL, que fa créisser sa fama a respècte de sos resultats, contunha de se cercar de partenaris privats que compartisson sa cultura e sa passion del fotbòl, amb aquelas valors qu’apara dempuèi sa naissença en 2004: umilitat, convivéncia, combativitat e respècte!



 

 


Sèm a petaçar lo site
In-Play Sport Analysis
Reportage Canal + Viva World Cup 2012
COMMUNIQUE DE PRESSE 2 VIVA WORLD CUP
COMMUNIQUÉ DE PRESSE
Entrevistas Deidièr Amiel per Jornalet
DESACHY Nicolas entrevistat per FOOTMAG
AMIEL Didier entrevistat per FOOT34

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA