Article associacion occitana de fotbol

 	Composicion de l’equipa d’Occitània
Mercé als suportaires
Seleccions  

Primièra victòria pel onze occitan! 

Primièra victòria pel onze occitan

L’equipa d’Occitània a ganhat sa primièra partida de l’istòria (per F. Grialou, vici-president de l’A.O.F).

Lo rescontre Occitània vs Monegue del 12 de febrièr de 2005, ben que ponctuat d’una resulta nula e verge, aviá daissat augurat un avenidor prometor per la jove Seleccion occitana. Dabans un pertèrra important d’espectadors, la seleccion occitana confirmèt aqueste dissabte 3 de setembre tot lo ben que se pensava d’ela en emportant aisidament fàcia a Chechenia.

JPEG - 512 Ko
L’equipa d’Occitània

JPEG - 162 Ko
L’equipa de Chechenia

JPEG - 77.7 Ko
Una bandièra occitana giganta desplegada pels Ultras d’Òc

Lo public murethin non s’èra enganat e venguèt nonbrós assitir a l’un dels rares rescontres internacionals jamai jogats a Clement Ader, aqueste estadi estimat per Enric Carrièra. Fòrça avián causit de perseguir lor serada fotbòl, ja entamenada per « un levar de ridèl » del campionat de Division d’Onor Miègjorn Pirenèus, Murèth vs Tarbes, concluit per un 0-0, per aquela atasenta e inedita aficha Occitània vs Chechenia.

JPEG - 115.4 Ko
Un moment bel: Lo Se Canta

JPEG - 122 Ko
Òsca per l’ambient!

JPEG - 145.1 Ko
Signe de respècte: las doas equipas se sarran la man

L’equipa d’Occitània, portada pel primièr còp per son novèl seleccionaire, Nadèva Robinson, auborava per l’escasença una tenguda roja tota nòva, trocant aquí sas « abitualas » colors blancas. De precisar que, causa gaire comuna, Nadèva Robinson es una femnas, çò que ne fa, aquò segur, l’un dels primièrs seleccionaires internacionals de l’istòria del fotbòl de sexe feminin.

JPEG - 254.7 Ko
L’espectacle èra tant sul pelenc que dins las tribunas
JPEG - 122 Ko
Òsca per l’ambient!

L’engajament èra donat pauc après 21o00, puèi un calimàs, per un triò arbitral sortit de la Liga Miègjorn Pirenèus que s’anava mostrar impecable de la debuta fins a la fin. L’imne oficial « Se Canta » entonat pels jogaires occitans acompanhats d’enfants de l’escòla Calandreta de Murèth e de nombroses suportaires lançava la serada.

JPEG - 170.1 Ko
Los de Calandreta nos faguèron lo plaser de cantar lo Se Canta

Las doas equipas s’observavan al cors de las primièras minutas del rescontre, cap d’entre elas gausavan pas se liurar tròp d’ora. Mai los Chechenas non faguèron ilusion longtemps. De fach, los Occitans prenián progressivament l’ascendent sul rescontre mercé notadament a una circulacion de bala mai fluida e mai rapida. Los Chechenas èran privats de balon pauc a cha pauc., s’aganissián a lo recuperar e es tot logicament que los Occitans dobrissián la marca 20 mn puèi l’engajament sus un còp de pè de canton jogat en 2 temps. Los Occitans doblavan la mesa qualques minutas mai tad totjorn sus un còp de pè de canton.

JPEG - 79 Ko
Los Ultras d’Òc metèron vertadierament lo fuòc dins l’estadi

Lo second periòde demarava tant lèu coma lo primièr s’acabèt ja que l’equipa d’Occitània apondiá tornamai qualques gòls dins l’escasèla dels Chechenas plan maluroses que capitavan pas de convertir las qualques escasenças pasmens francas que se procuravan.

JPEG - 86.7 Ko
Los Occitans sempre endavant

La resulta finala de 14 a 0 èra sens apèl mai recompensava pas los esfòrces dels valoroses Chechenas.

Al delà de la resulta, retendrem subretot lo brave estat d’esperit dels protagonistas, lo sentit de fraternitat qu’animèt aquela serada-en testimòni l’image dels jogaires occitans e chechenas man dins la man saludant lo public a la fin del rescontre- e lo brave acuèlh del club e de la comuna de Muèth. Sotalinham tanben la qualitat de l’organizacion-cal pas desoblidar que Chechenia remplacèt al darrièr moment Tibet sonque doas setmanas abans la data prevista- e lo trabalh remirable fornit pel President de l’Associacion Occitana de Fotbòl, Pèire Costa

JPEG - 188.5 Ko
La sola granda victòria d’aqueste rescontre: la fraternitat entre los pòbles

L’equipa d’Occitània, sota las cameràs de França 3, ven de se fargar un nom aqueste 3 de setembre de 2005...



 

 


tirage au sort du Championnat d’europe de football des minorités ethniques 2012
Match international Occitania - Cilento
Composicion de la delegacion occitana a la Viva World Cup 2010
Occitània en preparacion per la Viva World Cup III
Bona debuta de preparacion
Fuòc verd del NF-Board a l’A.O.F
Occitània vs Monegue: es partit per una quatrena confrontacion!
L’A.O.F apresta una partida contre Monegue

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA