Article associacion occitana de fotbol

 	Composicion de l’equipa d’Occitània
Mercé als suportaires
Seleccions  

Monegue vs Occitània 

Lo 17 de decembre de 2005 a 3o00 del tantòst, se debanarà a l’estadi comunal de Cap d’Alh (06) lo rencontre de fotbòl retorn de la confrontacion Occitània vs Monegue entamenada lo 12 de febrièr passat a Besièrs (34). S’agirà pels sangs e aurs de sa tresena partida internacionala mentre que Monegue jogarà aquí son seisen rencontre après aver afrontat dempuèi sa creacion en 2001 Tibet, Gibraltar (dos còps) e Vatican. Aquò serà l’escasença per Occitània de confirmar sas bonas primièras prestacions dins lo concert des las equipas nacionlas de fotbòl. Remembram qu’a l’ora d’ara la seleccion d’Occitània, en mens d’un an d’existéncia, a ja jogat dos rencontres internacionals (contre Monegue puèi contre Chechenia), a l’escasença dels quals trobèt lo camin dels fialats 14 còps (notadament contre la modesta seleccion chechena) mai non a encara encaissat lo mendre gòl.

JPEG - 46.9 Ko

Pr’aquò, l’enjuòc esportiu ben qu’estant important demòra segondari per l’Associacion Occitana de Fotbòl qu’a per objectiu màger la promocion de l’identitat occitana pel fotbòl, l’apròchament dels Pòples e la conseissença recipròca de las culturas. Aquela confrontacion amistosa serà un mejan d’afortir los ligams culturals unissent Occitans e Monegascs creats del temps de la venguda de Monegue aqueste ivern dins Erau. De fach, los representants de l’Acadèmia de las Lengas Dialectalas de la Principautat de Monegue avián alara rescontrats sos omològs occitanistas.

Per fin de servar son invincibilitat, l’equipa d’Occitània espera amb estrambòrd lo sosten bel de totes los qu’aparan Occitània. Tornamai, calrà mostrar que lo fotbòl es federator e qu’Occitània a encara son mot de dire al sègle XXI !

Costa Pèire President de l’A.O.F

Dintrada a gratis



 

 


tirage au sort du Championnat d’europe de football des minorités ethniques 2012
Match international Occitania - Cilento
Composicion de la delegacion occitana a la Viva World Cup 2010
Occitània en preparacion per la Viva World Cup III
Bona debuta de preparacion
Fuòc verd del NF-Board a l’A.O.F
Occitània vs Monegue: es partit per una quatrena confrontacion!
L’A.O.F apresta una partida contre Monegue

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA