Article associacion occitana de fotbol

 	Composicion de l’equipa d’Occitània
Mercé als suportaires
Seleccions  

Resulta de la partida Monegue vs Occitània 

Lo onze occitan concedís sa primièra desfacha

La còla d’Occitània s’enclina davant una bona equipa monesgasca. Davant un public nombrós e fòrça persanalitats bèlas (demest lo President del Conselh e lo Conse de Monegue, lo President de la NF-Board vengut aquí supervisar dos pretendents a la participacion a la primièra Copa del Mond de las Nacions Sens Estats) Monegue ven de batre lo dissabte 17 de decembre passat los protegits del President Pèire Costa.

Las doas seleccions, del temps d’una jornada remirabla de febrièr de 2005, non avián poscut se despartejar a Besièrs : 0-0 e los 22 actors desiravan de segur marcar lo primièr gòl de la jove istòria de las confrontacions entre aquelas doas equipas.

De notar per la pichòta istòria que lo terren dispausava d’un revestiment sintetic, donant un avantatge mai psicologic que vertadierament real als jogaires princièrs acostumats a evoluar sus aquela mena de susfàcia. La melhora entamenada èra de metre a l’actiu dels Monegascs que s’anavan lèu mostrar ben mai en cambas que sos adversaris aparentament aflaquits pel trajècte long en bus fach lo quite matin del rescontre. Los Monegascs prenián la partida a bèl braçat e se fargavan las primièras ocasions. Los Occitans, meses sota pression, capitavan pas que rarament a se mostrar dangeroses per qualques contres rapidament menats. Èra donc fòrt logicament que Monegue dobrissiá la marca gaire de temps abans la mièja ora de juòc a la seguida d’una accion collectiva creant lo descalatge sus l’ala equèrra de la defensa occitana, lo portièr visitaire podiá pas que constatar los degalhs e culhir lo balon al fons dels fialats. Un pauc vexats, los Occitans sortissián la testa de l’aiga e capitavan enfin a retrobar son juòc, un juòc qu’aviá literalament fach petar los paures Chechenas un ser de Setembre de 2005. Se’n seguissiá un bon periòde de dominacion dels Occitans que se creavan qualques ocasions bèlas. L’equipa d’Occitània butèt e finiguèt per trobar los camin dels fialats per l’intermediari de son capitani Ciril Campos que, al terma d’una montada rabiosa, capitava d’enganar lo gardian monegasc d’un tir de près. L’arbitre siblava la pausa qualques temps puèi l’egalizacion e mandava los 22 actors als vestiaris.

La Nadèva Robinson, entrenaire de la Seleccion Occitana, n’aprofiechava per reposicionar e remotivar sas tropas.

Las, lo messatge non foguèt entendut e son los Monegascs, mai aluserpits, tràs que motivats e de tot biais mai en cambas, qu’anavan sul pic impausar son juòc en seconda temporada. Los Occitans defendián sa gàbia de totas sas fòrças e cometián tot plen de fautas. Non capitavan de dessarar l’estòc adverse. Plan logicament aquí tanben, Monegue doblava la mesa a l’ora de juòc sus un centre vengut de l’esquèrra de repreniá victoriosament del cap l’atacant monegasc. Monegue non dessarèt pr’aquò son empresa sul rescontre de dominava los debats fins al darrièr quart d’ora. Los Occitns, valoroses, volián absoludament tornar a la nautora de sos adversaris mai son atacant, solet fàcia al portièr plaçèt la bala al dessús. Se farguèron quitament una ocasion de las bèlas en tota fin de partida, lo balon venent picar lo pal puèi un còp franc indirect dins la susfàcia de reparacion. Èra dich que la resulta ne demorariá aquí e son los Monegascs que fin finala, al terma d’un resontre jogat dins excellent esperit, demoravan mèstre sus sas tèrras.

La jornada s’acabava gaujosament a l’entorn d’un taula de restaurant de l’ostalariá Mariott tot pròchi, los oficials rivalizant per l’escasença de dicorses ben sentits e d’elògis sus sos adversaris del jorn, se prometent d’autres rescontres de la meteissa mena dins los meses venents a l’ocasion, perdequé pas, de la Copa del Mond que se debanarà en octòbre de 2006 a Chipre Nòrd...

E se lo sòmi veniá realitat?

Franc Grialou, Vici Psdt de l’AOF



 

 


tirage au sort du Championnat d’europe de football des minorités ethniques 2012
Match international Occitania - Cilento
Composicion de la delegacion occitana a la Viva World Cup 2010
Occitània en preparacion per la Viva World Cup III
Bona debuta de preparacion
Fuòc verd del NF-Board a l’A.O.F
Occitània vs Monegue: es partit per una quatrena confrontacion!
L’A.O.F apresta una partida contre Monegue

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA