Article associacion occitana de fotbol

 	Composicion de l’equipa d’Occitània
Mercé als suportaires
Seleccions  

Rendut compte de la partida Occitània vs Chipre Nòrd 

Chipre Nòrd s’impausa logicament sus las tèrras occitanas

JPEG - 15.8 Ko
Recepcion de la delegacion Nòrd Chipriòta a l’aeropòrt
D’esquèrra a man drecha:Niyazi Okutan (Psdt de KTFF), Pèire Costa (Psdt de l’AOF), Cengiz Uzun (Responsable de las relacions exterioras de KTFF)

3 a 0 : La reulta es neta e sens rebavas emai rebat perfiechament la diferéncia de nivèl entre las doas formacions que s’opausavan en aqueste dissabte 15 d’abrial sul pelenc de Vendargues (Erau). Aquesta aficha inedita aviá atirat nombre d’espectors venguts bravejar las condicions climaticas gaireben ivernalas del jorn, espectators demest los quals figuravan notadament los representants de la comuna deVendargues, lo Cònsol de Turquia de Marselha ; lo President de la NF-Board e quitament lo Ministre dels espòrts de Chipre Nòrd qu’aviá acompanhat sos jogaires.

JPEG - 17.9 Ko
Un ambient coma òm aimaria n’aver mai sovent dins los estadis
Al primièr plan los remplaçants de la Seleccion

Los imnes oficials, precedits dels discorses de las diferentas personalitats presentas, èran jogats sota l’agacha de las cameràs de television nòrd chipriota e cantada pels jogaires e de suportaires estrambordats.

JPEG - 11.7 Ko
Las doas equipas al moment dels imnes

L’arbitre del rescontre, liberava puèi los 22 actors un pauc gelats per la longor de las ceremonias protocolaras. Lo rescontre se revelava lèu interessant, los occitans respondant al mestritge tecnic e tactic dels Chipriòts per un engajament e una agressivitat de contunh. Los insulars prenián lèu lo jòc a son compte e metián en dificultat la defensa locala per qualques sequéncias de jòc ben acabat e de revèrsaments de juòc judicioses. Occitània capitava çaquelà de dessarar pauc a cha pauc l’estrencha e per la qualitat de jòc que li es pròpria, notadament entrevista al moment de sas oposicions fàcia a Monegue e Chechenia, metiá a contribucion la defensa adversa. La partida s’equilibrava alara e los locals capitavan quitament de far jòc egal per çò qu’es de la conservacion de la pauma gaire abans lo mièg-temps.

La pausa èra donc atenguda sus la marca nula e verge, pas que los gòls avián mancat a-n aquela primièra temporada d’un fòrça bon nivèl.

La seconda temporada començava sul meteis ritme que la precedenta, los Nòrd-Chipriòts prenent l’empresa sul rescontre, los protegits del President Pèire Costa respondent per sas vertuts tradicionalas de coratge e d’abnegacion. Los visitaires, puèi un balon mal negociat pel mitan de terren occitan, capitavan logicament de dobrir la marca un pauc abans l’ora de jòc, per un tust bel enrotlat que veniá se plaçar dins la lucana de l’ infortunat portièr, despoderat sul còp. Los Occitans non baissavan la tèsta e rebecavan sul pic, se creèron quitament una ocasion de las belas qualques minutas pus tard mai lo tust èra bravament rebutat pel gardian insular.

Aquela ocasion mancada sonava los classes dels espers occitans e aquò foguèt alara pas qu’un cavalièr sol dels Nòrd-Chipriòts. Aqueles estofavan completament d’Occitans plan aflaquits que non capitavan mai de pausar lo pè sul balon. Demorava pas que son coratge d’opausar a la maduretat tecnica e collectiva dels Nòrd-Chipriòts acostumats a las confrontacions de nivèl naut. Es donc fòrt logicament que dos gòls foguèron aponduts e los Occitans devon pas qu’a las paradas de son portièr que la nòta siá pas mai importanta que 3-0, fin finala confòrma a la diferéncia constada entre las doas formacions, notadament après lo repaus.

L’arbitre mandava los 22 jogaires als vestiaris e lo public exprimissiá alara sa jòia merejant los jogaires per l’espectacle ofèrt.

Nadèva Robinson, entrenaire de la Seleccion, benastrugava sos jogaires que malgrat l’amplor de la desfacha avián fach onor a las colors d’Occitània.

La jornada s’acabava gaujosament a l’entorn d’un repais aprestat pel cercle occitan servit dins la sala de recepcion de Vendargues, repais que los visitaires poguèron apreciar las especialitats localas e notadament la rolha a la setòri e mostrar que podián tanplan rivalizar amb sos òstes en tèrme de dansas e autres divertiments. Los de Chipre mercejavan finalament los Occitans per l’acuèlh e sota los aplaudiments de l’ensem dels convidats, quitavan la sala après aver d’en primièr convidats Occitània a la Copa del Mond de las Nacions Sens Estat que ven en novembre de 2006 sus sas tèrras..



 

 


tirage au sort du Championnat d’europe de football des minorités ethniques 2012
Match international Occitania - Cilento
Composicion de la delegacion occitana a la Viva World Cup 2010
Occitània en preparacion per la Viva World Cup III
Bona debuta de preparacion
Fuòc verd del NF-Board a l’A.O.F
Occitània vs Monegue: es partit per una quatrena confrontacion!
L’A.O.F apresta una partida contre Monegue

 

 

sit realisat amb SPIP e JCIZZO.com Logicial liure jos licéncia GNU/GPL
© 2004 Realisacion - IGEDMEDIA